文: 柴笛該也
獻給我愛嘅每套韓劇、每個綜藝、每部電影；用港式廣東話口語，與你分享點滴。
2025年頭向大家派糖(eye candy)，介紹上年年尾出爐嘅tvN綜藝《芬蘭租屋生活》，feature「一鼠三牛」嘅4位都市男(city boys)︰84年生、外號「花生鼠」嘅李帝勳 (第45屆青龍獎MC、《模範計程車》系列、《搜查班長1958》)、85年嘅李東輝 (《賭命為王》、also in《搜》、係帝勳開設嘅經理人公司COMPANY ON旗下嘅要員)、啱啱細阿東輝一個地支(12年) 嘅嫰牛牛、97年3月中嘅「四次元」郭東延 (《高斯電子公司》、《淚之女王》)、同阿東延同年同月不過3月底嘅「忙內」百厭星車銀優 (《犬系戀人》、《美好世界》)，探索連續7年雄霸全球最幸福國家之榜首 - Finland芬蘭。
《芬》幕後制作班底有李世英、宋明真、姜宮PD，聽聞話淨係production crew都有60+名，不惜工本。首播為2024年12月6號，每星期五晚出一集，總共10集。
今次《芬蘭租屋生活》行程，走訪咗芬蘭兩個鄉村地區，分別為Lapland 納蘭 (Posio 波西奧 & Kemijärvi 凱米湖) 同 North Ostrobothnia 北博滕 (Kuusamo 庫薩莫)。療癒嘅森林，迷人嘅湖泊，清新嘅空氣，鮮甜嘅食水(「農夫X泉」之流彈開啦)。對於夜貓族，置身於太陽唔落西山嘅永晝真係何其衝擊😹。「冇大冇細、打成一片」地體驗sans GPS自駕遊 🚗、無自來水、無電、唔上網📱、與大自然幾乎零距離作息，集體摸索「三餐自理」，齊齊發掘SNS以外嘅芬蘭式日常小確幸。
祝願各位睇過《芬蘭租屋生活》會心微笑嘅bromance、賞心悅目嘅萌人靚景，年頭甜到年尾，唔會似「被奪命雙雄」自食「府」果。謹祝侵侵1月20號上任就職順利，黎老闆及自由暫失嘅同路人能夠早日與家人歡樂團年。
See you next time👋！
Comments