圖︰| 文：Neko
踏入11月，見到周圍都係紅色嘅落葉🍁🍁，就知冬天❄️又嚟揾我哋啦！依啲天氣熱辣辣嘅麵都係Neko 嘅 first choice!
越南餐廳喺 Edmonton 隨街都有，要做到特別同好食，都要花好多心機。Neko 一直都覺得越南嘢離唔開越南咖啡、撈檬、香茅豬扒、雞扒咁。度度都係差不多嘅menu。裝修又好普通，有啲仲好舊，又冇乜 service， 同一間茶餐廳冇咩分別。
只不過今次 Neko 去嘅越南餐廳，打破咗常規，完全同 Neko 以往諗嘅好唔同。單單 menu 嘅設計，已經睇得出花咗好多心思🩷，整到成本書咁，又會介紹下越南嘅歷史，牆上面又有唔同年代嘅畫🏞️。食物選擇亦好多，樣樣都好似好好食咁😆，其實係幾難揀🤣。
既然去咗一間比較新式嘅越南餐廳，當然要試吓新鮮嘢啦，好嘅一餐唔好嘅又一餐，最多咪冇下次🤣。今次試咗個 Vietnamese Crepes，餡都係一樣有米粉、蔬菜同自選肉類，只係唔係湯麵🍜或都撈檬，而係有塊脆皮包住。聽落可能會覺得怪，但係又真係好食🤤。正就正在餐廳一啲都唔吝嗇九層塔🌿，大大份提供，食越南菜依樣嘢真係唔少得。
去完一次之後，Neko 一直都心郁郁想再去，只因為個crepe 太令人回味，價格同一般嘅越南餐廳差唔多，咁梗係會揀間坐得舒服😌、service 又好、又有特色嘅幫襯啦😆！
Mai Mai
14221 23 Ave NW, Edmonton, AB T6R 3E7, Canada
Comments