文：利世民 / 圖：HKCCMall
有冇諗過，香港人好鍾意去旅行？真係去到邊都會遇到香港人？其他人未必識分，但香港人真係有種特別嘅氣場。呢幾日，我響啲冷門啲嘅地方，好似Cesky Krumlov、Bratislava，諗住：「應該唔會撞到香港人喇啩？」 原來無論去到邊總係會遇到啲好熟悉嘅聲音。
但我份人內向，唔敢走上前同佢哋打招呼；我係個種搭紅 van 都要等其他人叫「有落」個種內向嘅性格。所以，雖然聽到熟悉嘅聲音同面孔，我都會刻意避免「牛咁眼」咁去觀察呢啲疑似香港人。我又諗：「如果我感覺到其他人個種港式氣場，話唔定人家都會 feel 到我嘅港式氣場呢？我咁樣迴避法，會唔會刻意到好似我無視其他人嘅存在，好似好高傲，好串咁呢？」以上呢個問題，終於有個解決方法。話說，唔經唔覺 HKCCMall 又再多咗好多產品上架。今日推介係淋漓淋浪設計，聯乘@hkccmall.global推出嘅一系列產品。其中我特別鍾意嘅係t-shirt 。當你身在異地嘅時候，著住呢啲一眼睇得出係香港人設計，大家唔駛講嘢，一個微笑，一個眼神交流，一切盡在不言中。
順帶一提，有次有個訪問入面，淋漓淋浪分享，其實佢哋好多時佢哋攞啲作品去參展，五次裡面可能只有一、兩次會有少少報酬。雖然 HKCCMall 同香港藝術家嘅作品聯乘計劃，未必可以即時咁幫各位香港藝術家搵到好多，但係無人知道，假以時日，當越來越多香港人到處咁著住香港藝術家嘅作品，世界各地有更多人認識到香港嘅文化，話唔定都會幫到香港人藝術家建立我哋獨特嘅一個席位。最後，如果呢度有其他嘅香港藝術家、創作人都想加入 HKCCMall ，可以直接聯絡HKCCMall，專人（即係總舵主 Matthew 本人）同你跟進。 HKCCMall 嘅所有產品，都係由設計者授權，而且賣出產品之後，我哋每個月找數；平台只收個位數平台費用來支付吓燈油火蠟。
莫忘初衷，繼續發揚香港人精神。買嘢 checkout 嘅時候，如果輸入 SUPPORTSIMON 嘅 Promote Code，我會將全單總數嘅 5% 收益，捐返畀世界各地嘅香港人社區中心，多謝先 🫶🏻
HKCCMall
淋漓淋浪 Facebook
利世民
香港人，自媒體 unsubject 主筆，自由主義者，樂天知命，不問鬼神。形而上虛無主義者。角色屬性混沌中立；長期處於身份存在危機；總覺得三言兩語間未能介紹自己。過去四分一世紀，平均每半年有個新興趣；課題涵蓋物理心理、政治經濟、歷史、宗教、哲學。
原文刊於 2024年8月1日作者Facebook Page。本刊獲作者同意授權轉載。
Comments