圖︰淚之女王 | 文︰柴笛該也
獻給我愛嘅每套韓劇、每個綜藝、每部電影；用港式廣東話口語，與你分享點滴。
啱啱喺4月尾 wrap up咗嘅tvN土日劇《淚之女王》 ( 눈물의 여왕 / Queen of Tears)， 係朴智恩編劇、金熙元PD兩位女將+張榮佑導演嘅二搭劇。主軸係男版「灰姑娘」、喺農村龍頭里出世嘅年青才俊白賢祐（金秀賢 飾）「嫁」入豪門、與Queens Group財閥三世洪海仁 （金智媛 飾）嘅三年婚姻瀕臨破裂嘅淒美故事。主人翁能否收復失地、讓愛火重燃呢?
《淚之女王》唔單止成功超越仨嘅前作《愛的迫降》，榮登tvN收視之冠，同時喺播放期間，上Netflix 非英語TV類weekly viewership Global Top10 chart上足咁耐，戰績驕人。
韓劇嘅劇名，有時會以主角嘅名字、或者角色人設命名，例如《達利和薯仔湯》， 今次都係咁玩。至於邊個係「淚」💧、邊個係「女王」👑，唔使我講都估到啦可？唔sure？其實posters有提示！
Set︰賢祐屋企
左起︰阿媽 阿爸 賢祐 海仁 侄仔 阿哥(𡃁仔老竇) 家姐
海仁頭頂幾個字︰龍頭里裡唔入流嘅 👑 Queens Group女王
Set︰海仁屋企
左起︰弟婦 細佬 賢祐 海仁 阿爺 阿爺女友 阿爸 阿媽 男二 姑姐
賢祐頭頂幾個字︰Queens Group裡唔入流嘅💧超市皇子
柴笛該也覺得《淚》吸引，因為成個production顛覆咗本人對RomCom韓劇嘅想象。故事鋪排細密，伏筆落墨巧妙；compare and contrast鮮明，一場car chase in the rain 兩睇，大癲!
呢邊廂一扭左軚回魂後心寒至極、嗰邊廂一扭右軚無奈跟甩咗卻心頭一寬，將賢祐sacrificial love同男二selfish crave、面同底嗰浸嘅對比揭晒俾你睇， twists and turns一個接一個，懷疑劇中人兼懷疑埋自己 (結果未大結局，已經重睇幾次😂 睇吓miss咗啲乜)，既可喊餐飽、又會笑到肚攣，無論係scripted or improvised嘅一句對白、一個動作、幾個表情，加上場景、shooting style、幾個重量級嘅cameo appearances、宋仲基義無反顧地擺埋自己「舊事」上枱，甚至細佬「我的孩子，皇上!」、姑姑「眼裡出Leslie」都出埋，向大量前輩、前作致敬。音樂director南惠順 (《鬼怪》、《陽光先生》、《那年，我們的夏天》、《愛的迫降》等) 令劇情如虎添翼、讓意境畫龍點睛、將人物靈魂切底透析、聲畫合體，感觀非常過癮。「唔係男女主線就悶」? 可能係你入坑尚淺啫。🤭
祝願《淚之女王》喺來年有各大、小drama獎項進帳🏆🥇。First up is 金秀賢 at 第60屆百想藝術大獎 (今屆爭崩頭嘅男子最優秀演技賞)！TBH，只靠前三分一套劇嘅表現去參賽，金秀賢係蝕底咗嘅，coz後續展現出令人更讚嘆嘅發揮…but since金秀賢只用呢三分一部戲嘅performance已經qualify for 百想，我當你嬴咗㗎喇😘。
預告︰柴笛該也暫時 wrap up唞唞、充吓電。友方，你哋係咪嬲我呀？ 😂
有緣煲底見👋！
Comments