圖:《請回答1988》|文: 柴笛該也
獻給我愛嘅每套韓劇、每個綜藝、每部電影; 用港式廣東話口語，與你分享點滴。
曾幾何時，tvN 2015年嘅《請回答 1988》(응답하라 1988) ，係「賣飛佛」，鍾意到睇住佢嚟學韓文。
背景係70年代起嘅漢城 (2005年正名為今日大家熟悉嘅首爾) 、道峰區雙門洞嘅一班街坊，主軸圍繞住5個家庭、5個1971年出世嘅4男1女，由孩提、豆蔻、直到花信之年嘅成長點滴; 已經係《回答》系列(首兩套為《請回答1997》、《請回答1994》) 嘅第3輯， 20集「誰是我老公」theme依舊趣味央然，笑中有淚，《請回答1988》將雙門洞人情味滿滿、溫馨純樸嘅親切形象顯露無遺。至驚喜，係見到發哥同哥哥 Leslie: 成班圍埋睇《英雄本色》。
N年前，偶然睇到有劇組人員疑似遭到欺凌、導致自殺嘅消息，心中非常悲憤難過，自此罷看，以表不滿。數年前，劇中擔當中年角色嘅演員金柱赫(車禍(2017) ) 、全美善(酒店內尋短(2019) )相繼離世，相當震驚。上月，飾演青少年時期嘅惠利與柳俊烈嘅感情告終，再被熱搜，讓人婉惜不已。
祈求來年韓國演藝圈嘅黑暗事全被暴光，幕後黑手盡被正法，令台前幕後所有crew都有個好嘅工作環境，造出更多高汁嘅drama+movie。
See you next time👋！
Comments