圖 | 文： Neko
夏天終於嚟到啦，仲等？梗係周圍搵好嘢食啦！🤤
夏天嘅時候，除咗去行trail，仲好鍾意行 Whyte Ave。沿途有好多酒吧，特別嘅店舖，咖啡店同甜品店。冬天同夏天嘅氣氛好唔同架，冬天俾人好冷清嘅感覺，人影都唔見一隻。相反，一暖返少少，朝早 11 點幾酒吧已經坐滿人飲緊酒架啦。🥂 今次同大家分享嘅餐廳 Pip ，其實 Neko 🐱揸車經過好多次。望個外型俾人感覺好 classic。 門口又唔見有人等位，所以一直都冇機會試。咁啱有日行街行過 Pip，有新發現呀！😱 同想像嘅價錢有差異，冇想像中咁貴，同其他食 brunch 餐廳差唔多。裏面少少嘅地方裝修都好 classic，同粉色嘅 menu (雖然 Neko 好鍾意）感覺有少少格格不入。
平時出去食早餐都好少會嗌沙律，因為覺得唔抵。不過嚟 Pip，Neko 會推薦 Quinoa Salad，包你食過返尋味。成份早餐都好足料，牛油果，quinoa 或者火箭菜都唔會同你孤寒。咖啡都好令人回味，係數一數二Neko 覺得好飲🥰。唔經唔覺都飲咗 3 杯 (可以refill)。☕
有機會嘅話會再去試埋晚飯，希望到時仲喺 Neko 心目中係 bucket list 度啦。😆 Pip 10335 83 Ave NW, Edmonton, AB T6E 2C6, Canada
Comments