圖｜文：Neko
雖然依度係Edmonton，但係都有好多唔同特色嘅餐廳，好多元化架！想食日本嘢唔使去日本架😆 今次就去會一會全Edmonton 最出名既拉麵店，出名在於湯底日日新鮮熬製，同不定時閂門，因為啲湯賣哂就mola mola。😭
平日星期一至五根本冇機會去到，間舖一到2 點幾鐘就賣晒啲湯😳。Neko 為咗去親身體驗，係周末一早起身去排隊。😂 去到嘅時候都已經要等啦，留咗名都等咗成半個鐘，但係好好彩天氣唔係好凍。係間拉麵店隔離仲有間好得意精緻嘅 donut 舖，等緊位果陣見到好多人都去望望。
間拉麵店出名真係有佢嘅道理，湯底濃郁之餘又唔鹹。麵嘅硬度又啱啱好，煙韌彈牙，配料十足。去過其他拉麵店都冇試過飲曬啲湯，係依間難得飲哂、一滴不留🤤。不過餐牌嘅選擇唔多，淨係得麵，飯同餃子。Neko 覺得餐牌唔需要複雜，多選擇，最緊要好食，加上服務態度好同價錢合理，就點都會有人去幫襯。如果唔介意等一陣位嘅話，絕對值得排隊試下。😄
地址: 11978 104 Ave NW, Edmonton, AB T5K 0G6, Canada
コメント